muskaan ne akhiri ab farz bhi nibhaaya

ye kaunsa vo rishta hai ,jiska na taar koi baaki

girta hai jab jab mera aansu ban ke raat bhar

sochti hu subah ab rahega na mere jeevan me vo pyar

raat bhar kal gujaari maine sang tere aansuon ke jo mere yaar

na ismaran tera mujme ,na yaadein hai ab teri

phir kyu zikar tera rula deta mujhe har baar

daaman me apne cheetein ,khush rahkar sahe hai maine

phir kyu teri kadwi baton se dil dukhta har baar mere yaar

jo chaha tujhko vo de diya tujhe maine

nafrat se khudse dur tujhe kiya hai maine

na zikar koi baaki mera rahe tujhme,

gujre un lamhon ki na vo dastaan ho tujhme

na tadhpe tu us pashchaatap ki agni me

na roye teri aankiya us meera ki bhakti me

main teri nafrat ko bhi apne seene se laga lungi

sar aankhon pe tere labzo ko bhi apna bana lungi

main ye jaanu dil tera ab bhi rota hai

tera har ek pal aaj bhi kyu mujhme basta hai

mere maathe ka sindur tu sada bankar rahega

mere dhruv ka vo chamkta tara tu hi hoga

dukhaya hai dil tera ,ye jarurat thi teri

us kanha ke jeevan me na kismat thi meri

pyar jo tera bin chahat maine paaya

tere dhruv ne firse mujhe jeena hai sikhaaya

khushiya ab teri paa li hai tune

is jahaan me muskaan ne akhiri ab farz bhi nibhaaya...........

kaash vo itna nasamajh na hota

Wafa-e- mohabbat ka tu sila de ,ya na de mujhe maalik 

meri nafrat ki tu saja mujhe jarur dena 

gir rha tha mera vrakhsh jo rasmo ke tufaan me 

daaman pe apne cheeton se khada kiya hai use maine 

to kya gar meri mailee kar di usne chunariya 

usi aanchal se maine khudse dur use kar diya hai

tanhaai ki aag me jalte , maine bus use hai dekha 

chune ki uski chaah me ,maine khudko hai becha 

kiye jo gunaah usne ,dil pe bojh uske ho na 

uske har ek tu karm ki saja mujhe hi dena 

vo na jaane kiya kya hai maine is ishq me 

vo to itna hi jaane diya hai dard maine use ishq me 

tu jaane mere maalik paak maksad tha mera 

bhulaata vo kese ,un lamho ko jo uske chain.a 

mohabbat me uski saugaat jo mili hai 

jahaan ki har khushiya usme mujhko mili hai 

uski chaya ,parchai maine isme hai paayi 

fir kahaan mere daaman me judaai hai chayi 

un beete lamho ki yaadein le main chal di 

raat jo grahan ki ,usne chandni si rang di 

kaash vo itna nasamajh na hota ,

aankho se dekhi ,dil ki baaton ko to samjhta 

chuye the charno ko ,sindur jab sajaaya 

khokh me jab apne ,dhruv ko maine paaya 

chal di ye meera bhi ab naye safar me 

na darshan ki chah hai ,na vardaan us hriday ka 

teri khushiya hi maksad thi meri us nafrat ka 

kiya farz jisme purn maine mere hisse ka

kiya farz jisme purn maine mere hisse ka

sach mujse ek bar vo kah de

Kin raahon me chodh gaya tu mujhko
manjil ka dur tak nishaan nhi

socha tha sath teri yaadein hongi
gujari sang jo baatein vo mulakaate hongi

na socha ,na jaana kabhi tha
sang mere khamosh ek najar vo hogi

jo dekh rhi mahsus hai karti
mera har ghum meri tanhaai ko

par majbur hai farz me apne
kaise jatlaaye insaaniyat vo

farishta tha khuda ka jab vo
kyu fir ghum de gaya vo mujhko

saath to maine maanga hi na tha
tanhaai se mera naata hi tha

kyu vo jhutla gaya har ek sach
kya jhuta tha vo pyar vo har pal

ghum nhi gira diya mujhe usne
ghum nhi daga diya mujhe usne

mere prem ki satyta ko
mere ishwar tu swikar karna

sach mujse ek bar vo kah de
bus mujpe tu upkaar ye karna .....

sach mujse ek bar vo kah de
bus mujpe tu upkaar ye karna .....

Mere aansuo se likhi ye kahaani

Main gudiya jo teri vahi thi purani

man bahlaati tera ,jo hansti hansaati

tere naam se jo sada muskuraati

Ibadat pe Ishq ki jo khub itraati      

Mere aansuo se likhi ye kahaani

Mere paak daaman me purwaayiya hai

Ye aankho me ghum ki jo parchaaiya hai

Mere naam ki jitni ruswaayiya hai

Ye badard Ishq ki hai meharbaani

Mere aansuo se likhi  ye kahaani

Naseebon ne aurat ko samjha khilona

Jamaane ne aurat ko samjha bichhauna

Yahi to hua hai yahi to hai hona

Nahi reet badli ye sadiyo purani

Mere aansuo se likhi ye kahaani

Main kaise ye maili chunar sar pe odhu

To kya akhiri ye sahara bhi chhodu

Magar apna dil aap kaise main todu

Ye kuch bhi mamta ki hai ye nishaani

Mere aansuo se likhi ye kahaani

kamjor kar diya tune khudko

Ishwar ne bheja ek farishta ,ja use muskaan tu de de
aaya meri duniya me jo ,takdeer meri chala badalne


sachai na kabhi chipi hai ,raah apni vo khoj hi leti
jhutla de mere rishte ko tu,khushiya tujhe ab tabhi milegi


to kya gar hawas main apni ,maa ka apni tune sheesh jhukaya
teri usi hawas ke khatir teri maa ne duja tera byaah rachaya


aaj din mere bete ka hai ,jisko maine tujse paaya
sansaar tera basaane ko jab,mere bete ne bhi hath badhaya


apni maa ki khokh me usne ,pita ke sar pe sehra paaya
aankhe khulte hi sansaar me,khud ko usne bus akela paaya


kya main shikwa karu tuje ab ,sang tere main bhi shaamil hu
gunaah tere chipa kar maine ,sindur ka bhale farz nibhaaya


bhukh hawas ki mita ke tune,bewafa bhi mujhe thahraaya
tere shabdon ki mohtaaz nhi main ,tune insaan bhi khudme na paaya


chavi na teri use main dungi,parwarish aesi usne paayi hai
sar utha ke jeeyega jag me ,mere bete ne meri mamta paayi hai


tujhse bus main itna bolu,muskura jo raha hai ab tu
ek bar tujhme gar dum hai ,sachai meri na tu jhutlana


kanhaa ki meri chavi thi tujhme ,ishq ki vo ibaadat thi tujhme
gairo ke jo kisse suljhaata ,aansu jo sabke ponch jaata


kaha gaya mera kanhaa ab vo,ya sach me tha pal bhar ka bhram vo
hawas me apni tu  na itna gir jaana ,na mujhko tu anjaan batana


apni jhuti shan ke khatir ,mere apno ko tune bahut rulaaya
dil mera tujhko maaf bhi kar de , aansu gawara nhi mujhe karte


rasmo ki holi na kheli maine,tere ansh ko badha kiya h maine
kya vo pal tera bhi na tha ,kya tu kisi maa ka beta na tha


phir kyu tu bhaga farz se apne ,maine to tujhko roka bhi na tha
kamjor kar diya tune khudko ,main kya lautaau muskaan teri tujhko


dil ye tera bhi rota hai ,gham ko mere vo bhi jaane
to kya gar tune na nibhaya,mujhko to har farz nibhana


preet piya ki ,prem pita ka,tujse koi aas na rahe
na jaane kyu us diggaj me ab ,mere vo ahsaas na rahe                                                                                                   

par un zakhmo ke vo dard to use b hote hai

muskura to deta hai apno ke aage
par dil me chipaye jo raaz hai usne
dard to usko vo ab bhi dete hai

chand rishte bachaane apne ,
badnaam to kar liya mujhe usne
par un zakhmo ke vo dard to use b hote hai

us maa ke chehre pe to ronak aayi

apni maa ko main khush rakhu ,ya is maa ko aansu de du

duvidha uski aesi hi thi ,prem ka apne main tyag kar du

main to usme hi samaayi,usse alag kaha main thi?

dard mujhe dekar bhi, peedha to usne bhi paayi

isse badhi kya meri khushkismati hogi,bhale hi 

mere bheege anchal se us maa ke chehre pe to ronak aayi

kami na teri kabhi hogi mujhko .......

tune di hai jo khud apne dil se
chavi vo teri sang hai mere ,
tu nhi par ,ye tera saaya hai ye
deta tera ahsaas ye mujhko
sang iske main jee lungi duniya
kami na teri kabhi hogi mujhko .......

kese bhulaau jo paaya h jahaan ek pal me usse?

Daga muje deke juda hua mujse
sochta h naata usne har tod liya
vo bhul gaya jate huye kah gaya tha
khun se judha h naata tera ab mujse
rishtein rasmo aur dilo k todh b du main
kese bhulaau jo paaya h jahaan ek pal me usse?

Us ek chuthki sindur ki , tu us pavitrata ko samjhe …

Mahobbat me teri aansu bahaaon itne kamjor hum nhi
tu ek insaan jahaan me par tujhme vo insaniyat bhi nhi

Sindur bhale bhara hai mera tune ,par tu devtaa vo nhi
Sachai pe tere main gurur karu,tujme vo pavitrata nhi

Naam bhale tera Ishq ibaadat,prem ki tujme vo satyta nhi
kya gaau main teri gaatha ,tu mera vo kanhiya hi nhi

Sindur meri maang ka,aansu har ek mere apno ka
Raakh mera ghar hua hai ,e diggaj teri hawas ki bhukh ka

Kaash Mera ishwar tujhe ek din haunsla vo bakshe
Us ek chuthki sindur ki , tu us pavitrata ko samjhe ………...

uske labzon k vo zakhm mujhe ab bhi dukh.te hai

gunaah ke uske saja maine hai paayi iska ghum nhi mujhe
par mere gunaahon ki saja kyu mere apno ne paayi ????

ya khuda Ibadat ishq ki karne ka jo tu haq de kisi ko
to us mohabbat ko nibhaane ka bhi hausla de usko

milna bichdhna sab humne bus tujpe hai choda
tu karega jo ,main jaanu bus mere liye vo hoga

tere faislon ka mujhe koi afsos nhi mere maalik
tune tufaanon me bhi sath har pal mera diya hai

dua ko meri uske hath to aaj bhi uth.te hai tere aage
tu kahna use uske labzon k vo zakhm mujhe ab bhi dukh.te hai

us ishq me akhir kurbaan mere apno ko kiya humne ........

safar zindgi ka jo badha mushkil sa lagta tha
tere nanhe se kadmo ne muje hunsla diya h usme

bhula denge hum ghum bhi apne
mohabbat me akhir ruswa bus kiya h usne

gurur kya karti main e mohabbat tujpe
un hathon me tujhko lut.te dekha hai humne

ya rabba rakhna salaamat tu muskaan uski
us ishq me akhir kurbaan mere apno ko kiya humne ........

Mere ishwar tu mujpe raham ab ada kar

Mere ishwar tu mujpe raham ab ada kar
us sitaare ko tu ab mujse juda kar
khayalo se usk tu mujko juda kar
ahsason se usk tu mujko vida kar
main sharan me hu teri
tu hi mera sab h
is anjani duniya me tu hi mera rab h
mere chote se angan me mera dhruv hi chamke
us grahan ko poonam ki chandni se tu rang de

Bewafaai ki tune lazzit ek misaal de di.

aaj mujhe ye kaisi usne mulakaat de di
jhuki huyi najron me usne har vo baat kah di

kahta tha tumse dur na ja paunga main
jaate huye agar maine vo akhiri mulkaat de di

man tha uska jee le vo apna har pal mere sang
ye soch dhokhe se usne mujhe vo suhaagraat de di

man kiya uska ho jaaye ek pari ke ab umra bhar
jaate huye bhi usne mujhe pyar ki saugaat de di

jeeyegi kaise,jaayegi kis duniya me ,kya sochta vo us pal
Us pari sang maa ne use ek mulakaat jo de di

kahta tha dunga main apni ek nishaani tujhko
nibha gaya har labz,mano mujhe tarron ki baraat de di

mujhe to aadat padh gayi hai ab humdum zulm tera sahne ki
par humne bhi tere zulmo pe apne lahun ki aaj barsaat de di

na sharminda karna mohabbat ko ab e Ishq
tere gunaho pe humne apni ye aan de di

sindur mera na udhaar raha is janam me tujhse
Ja maine tujh brahmin ko vo daan de di ...........

utha najre ,na labzon me sahi ,mera saamna karne ki ab tujme himmat hi nhi
E Ishq Ibaadat bewafaai ki tune lazzit ek misaal de di.

siva tere us duniya me mera koi hai na..

Kyu chup hu main mujse ye kahti hai duniya
teri meera ko taane bhi deti hai duniya

khamoshi teri jaane main kab tak sahungi
pariksha main apni akhir kab tak yun dungi

mujme bhi to ek dil hai dhadhkata
kyu tu soche dard e ahsas mujhko na hota

main khilona hu tera mana maine khud bhi
tere zakhmo ko sahna mushkil hai ab bhi

kar sakega na ishwar b ishq ab zameen par
chup raha jo tu sang mere pal vo bita k

tu to diggaj hai na jag ka
tu to jag ko daga de
teri baaton ka to hai jag ko bharosa

ek bar tu aake is jag ko bata de
mere un lamho ka maalik tu hi to hai na

mana maine main gudiya ek teri
man tera ab jisse bhar sa gaya hai

par fenka hai tune muje jis jahaan me
siva tere us duniya me mera koi hai na..

chip kar hi sahi tuje meri fikar aaj bhi hai...

Grahan ki us raat ko tu bhula mere humdum
jis lamhe ko har pal main mahsus karti hu...
Milan ke vo pal na bayan kar sakna
mana ban gaye aaj majburi vo teri
par us ek pal ne palat ke rakh di duniya hi meri
teri berukhi se bhi muje pyar hai itna
chip kar hi sahi tuje meri fikar aaj bhi hai...

tu khush h kahin ye soch hum muskura lenge

Ek ek tinka kar gharonda hum apna bana lenge
tu khush h kahin ye soch hum muskura lenge

insaniyat ko usine dhundhla kiya hai..

Tere sath ne jitne muje ghamon se nawaja,
teri judai ne muje vo hauslaan diya h,
pujti thi ye meera jis pathar ki murat ko,
insaniyat ko usine dhundhla kiya hai..

Maa..........

Tujse na mera sawal ab hai koi

Uttar har maine paaya hai tujse....

Tu ishwar ne bheji  jaha me vo devi

Tujhme us ishwar ko paaya hai humne..

Tere hi karan maine paaya hai unko

tere liye hi maine khoya bhi unko....

Mila na jahaan me jo chaaha vo usne

Mila sab hai tujme jo paaya hai usne

Teri mamta me usko tu paale hi rakhna

Bharosa tu uspe sada yunhi rakhna

Tuj bin adhura ,jahaan me hai maa vo

Tera aanchal bus us pe sada hi tu rakhna

Mere liye tu  meri maa ke hi jesi

Tere liye mere dil me na  bair koi tha

Sachaai ko uski tu sah na sakegi

Uske karmo ko tu dekh bhi na sakegi

Najron me teri main khud ko gira du

Gurur tuje aaj tere us  bête pe dila du ………

Gurur tuje aaj tere us bête pe dila du ………

Sochta h jb b mere bare me tu

Sochta h jb b mere bare me tu
ahsaas muje ab b hota h
kya naata h tera ye mujse
sang mere jo tu b rota h...

If there be lust, how can love be there?

If there be lust, how can love be there?
Where there is love, there is no lust. Saint Kabir.....

Kismat ne meri ye kaisa rang phir dikhaya h

Kismat ne meri ye kaisa rang phir dikhaya h
jo chodh aaye the hum aj phir usi mahfil me laya h
teri hi duniya me mili thi vo pahchan teri
teri hi duniya me mili thi vo ibadat teri
kya khub kahe ise zindgi mere malik
mere humdam ne apne hi sur me dekho
bewafai ka ye geet gungunaya hai... :)

Rakhna hath bus tu mere dhurv par.....

kami na tune ishwar koi chodi
tu khel raha ye kyu aankh michoni
ladh jaaung yamraj se bhi
ye tu bhi jaane ye jaan hai meri
na kar mujhe tu mohtaj bhi itna
tuj par bhi mujhe vishwas hai itna
rakhekha tu meri laaz sada hi
dega tu mera sath sada hi
tere charno me ye jeevan arpan
Rakhna hath bus tu mere dhurv par.....

kyu aj tere dil me udasi chayi h?

Use paakar bhi tu rah gaya adhura
ye kesi tune kismat paayi h
bewafaai to tune sache dil se ki thi
phr kyu aj tere dil me udasi chayi h?

E Ishq Ibadat,tu fana kar de mujko..

Thukraa gayi thi teri pari jo tujko
bikhara hua bus paaya tha maine tujko
mere pyar se jo ranga tha maine tujko
jeena sikhaya us jahaan main b tujko
kya khub the mere humdam vo pal jo suhane
aagosh me tere paaya maine khudko
aansu mere girte par chalakta tu tha
peedha muje hoti par tadhpta tu tha
do jism ek jaan hum huye the jis pal
tere chehre pe khushiyo ko paaya maine us pal
ishq kiya hum döno ne jab tha
kurbaani isme akele maine di hai
ye jahaan ab mujko jeene nh deta
tere ishq ka tufaan thamne nh deta
Tu Diggaj h jag ka to daga na de mujko
E Ishq Ibadat,tu fana kar de mujko..

mera ishq ek din muje bachaayega is jahaan se.

Usi nazakat se tuje sahlaayega vo ek din,

mere prem ki pavitrata jataayega vo ek din

bharosa muje hai mere ishwar pe sada se

mera ishq ek din muje bachaayega is jahaan se.

Diggaj na ban saka

Ishq Ibadat tu kahlaata,
kisi zamaane me sahi
par paavan us zannat ka
tu farishta na ban saka

Ishq ka vo arth
tu kya jaan paata
Is duniya me tu jab
Diggaj na ban saka

Pyar mera mohtaj nh h tere shabdon ka

Pyar mera mohtaj nh h tere shabdon ka
tere ahsason ko main dur bhi mahsus kar leti hu

tu aayega ek din muskaan meri muje dene
ye soch aaj main apne aansu ponch leti hu...

Muje himmat de mere malik muje chalna h akele
tu jane sach kya h,apni sharan me muje le le...

Jo rakhega salaamat sada ,apni ye kripa mujh par ...

koshish bahut ki usne gunaah ko chipaane ki
koshish bahut ki usne sare aam use jhuthlaane ki
koshish bahut ki usne apni pahchaan ko chipaane ki
koshish bahut ki usne mere pyaar ko chipaane ki
kamjor kaha tha vo dil uska ,jo itne se man bharta uska
koshish bahut ki usne mere dhruv ko marwane ki
Bhul gaya vo saaya hai sada mere ishwar ka mujhpar
Jo rakhega salaamat sada ,apni ye kripa mujh par .............

Gurur e ishq tu apni mohabbat pe karna

Gurur e ishq tu apni mohabbat pe karna
tere ansh ki neev pe khadi h imarat ye teri
hilne na degi tufan me b tujko
tere sindur se saji jb tak mang meri